Қарши шаҳрида автокредит маблағини ўзлаштириш ҳолати аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, фуқаролар Ш.Қ. ва бошқалар фуқаро Ш.Қ.га ҳудудий тижорат банки филиалидан ажратилган кредит эвазига харид қилинган BYD HAN автомашинасини кредит таъминоти сифатида гаровга қўймаган. Оқибатда банк манфаатларига 620 млн сўм зарар етказилган.
Мазкур ҳолат юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкентда электромобиль, Қорақалпоғистонда юк машинаси, Қаршида кредитга олинган автомашина сотиб юборилгани маълум қилинганди.
Июль ойида Андижон ва Фарғона вилоятларида автокредит эвазига харид қилинган автомашиналарни сотиб юбориш ҳолатлари ҳақида хабар берилган эди.
Изоҳ (0)