O‘zbekistonda 2024-yilning birinchi yarmida iste’mol va avtokreditlar hajmi ikki barobarga qisqardi. Bu haqda Markaziy bank ma’lumotlariga tayanib, Spot xabar berdi.
Yanvar-iyun oylarida fuqarolar tomonidan 8,91 trillion so‘mlik avtokredit ajratilgan bo‘lib, bu 2023-yilning shu ko‘rsatkichidan 2,07 barobar kamdir. Eng yuqori oylik ko‘rsatkichlar yanvar va may oylariga to‘g‘ri keldi, o‘shanda 1,7 trillion so‘m chiqarilgan.
Iste’mol kreditlari 2,09 martaga — 19,57 dan 9,36 trillion so‘mga qisqardi. Eng ko‘p (1,8 trillion so‘m) chakana kredit may oyida berilgan.
Iste’mol va avtokreditlarning eng keskin pasayishi may oyida kuzatildi, o‘shanda emissiya hajmi o‘tgan yilga nisbatan deyarli to‘rt baravar kamaygan.
Markaziy bank 1-iyuldan boshlab aholiga kreditlar berish talablarini kuchaytirgandi. Ya’ni o‘rtacha kredit to‘lovlarining qarz oluvchining o‘rtacha oylik daromadiga nisbati bilan hisoblangan qarz yuki ko‘rsatkichi joriy etildi.
Izoh (0)