Termiz shahrida avtosalon sobiq xodimining kirdikorlari fosh bo‘ldi, deya xabar qilmoqda Iqtisodiy jinoyatlarga qarshi kurashish departamenti.
Bosh prokuratura huzuridagi departamentning Termiz shahar bo‘limi tomonidan tadbirkorlik subyektining huquqlarini himoya qilish yuzasidan “Auto-C” MCHJ Surxondaryo viloyati filialining murojaatiga asosan o‘tkazilgan tergovga qadar tekshiruvda, fuqaro SH.D. (ayol) ushbu MCHJda Call-sentr operatori vazifasida ishlagan davrida, MCHJ muhriga egalik qilib, tadbirkorlar M.A. va E.P.ga Damas va Cobalt xarid qilish uchun qalbaki shartnomalar rasmiylashtirib bergan.
Ularning jami 226,6 million so‘mini qo‘lga kiritib, o‘zining shaxsiy ehtiyojlari uchun ishlatib yuborgani aniqlangan, tekshiruv davomida yetkazilgan zararning 5 million so‘mi qoplanishi ta’minlangan.
Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkent viloyatida avtokredit uchun to‘langan 1,6 mlrd so‘mni noqonuniy o‘zlashtirgan shaxs qo‘lga olindi
- Buxoroda tadbirkorlarni aldab, 51 ming dollar pulni qo‘lga kiritgan shaxs ushlandi
- Andijonda gaz quvurini yuqori bosimli tarmoqqa ulab berish uchun 3,5 ming dollar olgan gaz ta’minoti korxonasi xodimlari ushlandi
Izoh (0)