APL. “Arsenal” London derbisida “Tottenhem” bilan durang o‘ynadi, “Liverpul” ishonchli g‘alabaga erishdi, “Chelsi” o‘z maydonida mag‘lubiyatga uchradi (video)

Futbol bo‘yicha Angliya Premyer Ligasining 6-turidan o‘rin olgan o‘yinlar 24-sentabr, yakshanba kuni bo‘lib o‘tdi.

“Arsenal” London derbisida “Tottenhem”ga qarshi bahs olib bordi. Uchrashuvning 26-daqiqasida Kristian Romero avtogol muallifiga aylandi va “kanonirlar” hisobda oldinga chiqib oldi. 42-daqiqada Son Hyon Min muvozanatni tikladi. 54-daqiqada Bukayo Saka penaltidan unumli foydalanib, yana bir bor “Arsenal”ni hisobda oldinga olib chiqdi. Oradan 1 daqiqa o‘tib, Son yana hisobni tenglashtirdi. Qolgan daqiqalarda darvozalar ishg‘ol etilmadi va jamoalar durang natija qayd etdi.

“Liverpul” o‘z maydonida “Vest Hem”ni qabul qildi. Uchrashuvning 16-daqiqasida Saloh penaltini aniq amalga oshirib, hisobni ochdi. 42-daqiqada Bouen muvozanatni tikladi. 60-daqiqada Darvin Nunyes mersisayliklarning ikkinchi goliga mualliflik qildi. 85-daqiqada Diogu Jota o‘yindagi yakuniy hisobni o‘rnatdi.

“Chelsi” “Aston Villa”ga qarshi bahs olib bordi va 0:1 hisobida imkoniyatni boy berdi. 73-daqiqada Olle Uotkins tomonidan urilgan gol Birmingem klubiga g‘alaba keltirdi.

“Nyukasl” esa “Sheffild” darvozasiga javobsiz 8 ta gol urdi.

24-sentabr kungi o‘yinlardan so‘ng APLda musobaqa jadvali quyidagicha ko‘rinish oldi:

APL

6-tur

24-sentabr, yakshanba

“Arsenal” — “Tottenhem” 2:2

Gollar: 1:0 – 26 Romero (avtogol), 1:1 – 42 Son Hyon Min, 2:1 – 54 Saka (penalti), 2:2 – 55 Son Hyon Min.

“Arsenal”: Rayya, Uayt, Gabriel, Saliba, Zinchenko, Edegor, Rays (Jorjinyo, 46), Fabiu Vieyra (Haverts, 46), Saka (Smit-Rou, 90), Gabriel Jezus (Nelson, 77), Nketia.

“Tottenhem”: Vikario, Porro, Romero, van de Ven, Udoji, Meddison (Hyoyberg, 78), Bissuma, Kulusevski, Sarr, Son Hyon Min (Risharlison, 79), Jonson (Solomon, 63).

Ogohlantirishlar: Edegor (15), Udoji (15), Sarr (45), Bissuma (45), Haverts (57), Nketia (67), Romero (75).

“Liverpul” — “Vest Hem” 3:1

Gollar: 1:0 – 16 Saloh (penalti), 1:1 – 42 Bouen, 2:1 – 60 Nunyes, 3:1 – 85 Diogu Jota.

“Liverpul”: Alisson, Gomes, Matip, van Deyk, Robertson, Soboslai, Mak Allister (Endo, 88), Jons (Gravenberx, 77), Saloh, Dias (Diogu Jota, 81), Nunyes (Gakpo, 81).

“Vest Hem”: Areolya, Soufal, Zuma, Agerd, Emerson, Uord-Prouz, Souchek (Fornals, 74), Lukas Paketa (Ingz, 87), Alvares, Bouen, Antonio (Kudus, 74).

Ogohlantirishlar: Alvares (36), Zuma (82).

“Chelsi” — “Aston Villa” 0:1

Gol: 0:1 – 73 Uotkins.

“Chelsi”: Sanches, Gyusto, Tiago Silva, Disasi, Koluill, Gallaher, Mudrik (Chiluell, 61), Fernandes (Palmer, 68), Kaysedo (Broya, 79), Sterling, Jekson (Ugochukvu, 68).

“Aston Villa”: Martines, Kesh, Pau Torres, Konsa, Din, Makginn (Remzi, 75), Kamara (Dendonker, 90), Duglas Luis, Zaniolo (Beyli, 75), Diabi (Tilemans, 81), Uotkins (Duran, 90).

Ogohlantirishlar: Din (44), Jekson (50), Chiluell (90), Duglas Luis (90), Martines (90).

Chetlatish: Gyusto (58).

“Sheffild” — “Nyukasl” 0:8

Gollar: 0:1 – 21 Longstaff, 0:2 – 31 Bern, 0:3 – 35 Botman, 0:4 – 56 Uilson, 0:5 – 61 Gordon, 0:6 – 68 Almiron, 0:7 – 73 Bruno Gimaraes, 0:8 – 87 Isak.