Qirg‘izistonda Xalqaro migratsiya tashkiloti (XMT) mutaxassislari 2020-yildan 2024-yil aprel oyigacha migrantlarning o‘z vataniga qaytish holatlarini o‘rgandi.
Tadqiqotga ko‘ra, 2023-yilda Qirg‘izistonga qaytib kelganlar soni 2022-yilga nisbatan 85 foizga oshgan. Ushbu davr mobaynida 40 ta mamlakatdan jami 128 ming 661 nafar muhojir o‘z vataniga qaytgan. Bunda Rossiyadan qaytganlar ulushi 88 foizni tashkil etmoqda. Keyingi o‘rinlarni Turkiya (4 foiz), Qozog‘iston (3 foiz), Janubiy Koreya va Buyuk Britaniya (1 foizdan) egallaydi.
Tadqiqotchilar buning asosiy sabablarini keltirib o‘tadi. Bu har bir mamlakat uchun o‘ziga xosdir. Agar Rossiyadan Ukrainadagi urushga safarbar etilish xavfi yoki deportatsiya tufayli chiqib ketishsa, Turkiya va Qozog‘istondan esa shartnoma muddati tugagani yoki oilaviy vaziyatlarga ko‘ra ketmoqda.
XMT tadqiqotida Qirg‘izistondan kelganlar qaysi mamlakatlarda ko‘proq mehnat qilayotgani ko‘rsatilgan. Ma’lum bo‘lishicha, asosiy ulush (40 foiz) Rossiyaga to‘g‘ri keladi. O‘zbekistonga 32 foiz, Turkiyaga 11 foiz, Qozog‘istonga 9 foiz, Tojikistonga esa 3 foiz to‘g‘ri keladi.
Emigratsiya afzalliklariga to‘xtalsak, qirg‘izistonliklar orasida hamon Rossiya (91 foiz) yetakchilik qilmoqda, undan keyin Turkiya — 3 foiz, Qozog‘iston — 3 foiz, AQSH va Janubiy Koreyada esa 1 foizdan.
Qirg‘iziston fuqarolari past daromadlar, iqtisodiy imkoniyatlarning yo‘qligi sababli ish va yaxshiroq yashash sharoitlarini izlab ketmoqda, deyiladi tadqiqotda.
Izoh (0)