Isroilning Eronga javob zarbasining nishoni katta ehtimol bilan harbiy bazalar bo‘ladi, deb yozadi The New York Times (NYT) manbalarga tayanib. Nashr suhbatdoshlari Isroilning Eron yadro inshootlariga zarba berish ehtimoli yo‘q deb hisoblamoqda.
Ularga ko‘ra, Isroil harbiylari razvedka obyektlari yoki Eron rahbariyatiga aloqador obyektlarni ham nishonga olishi mumkin. Biroq Isroilning Eron yadroviy inshootlariga hujum qilishi dargumon. Agar eronliklar vaziyatni keskinlashtirib, qarshi hujumlarni boshlasa, ana shundagina Isroil bu ishga qo‘l urishi mumkin, dedi NYT suhbatdoshlari.
1-oktyabr kuni Eron Isroil tomon 180 dan ortiq ballistik raketa uchirdi. Natijada bir kishi halok bo‘ldi, bir necha kishi jarohatlandi. Eron bu hujumni Hizbulloh yetakchisi Hasan Nasrullohning o‘ldirilishiga javob deb atadi. Isroil rasmiylari javob zarbasiga tayyorlanayotganini rasman e'lon qildi.
Ma’lumotlarga ko‘ra, AQSH Isroilga Eron nishonlariga hujum qilishdan bosh tortishi uchun tovon puli taklif qilgan. Biroq Vashington va uning Yevropadagi ittifoqchilari Yaqin Sharqdagi vaziyat keskinlashishini to‘xtata olmayapti.
Izoh (0)