Kanada Kiyevga 64,8 million Kanada dollari (47 million AQSH dollari) miqdorida harbiy yordam ajratdi.
Bu haqda mamlakat mudofaa vaziri Uilyam Bler ma’lum qildi.
“Bugun e’lon qilingan harbiy yordam Ukrainani mudofaa uchun zarur bo‘lgan muhim resurslar bilan ta'minlaydi”, deya uning so‘zlarini keltiradi Reuters.
Vazirning so‘zlariga ko‘ra, ajratilgan mablag‘lar o‘qotar qurollar, snaryadlar va himoya vositalarini sotib olishga, shuningdek, ukrainalik jangchilarni tayyorlashga yo‘naltiriladi.
Bu mablag‘lar Ukrainaga 500 million Kanada dollari (taxminan 362 million AQSH dollari) yordam paketining bir qismidir.
Umuman olganda, 2022-yil fevralidan beri Kanada Kiyevga 4,5 milliard Kanada dollari (3,26 milliard AQSH dollari) miqdorida harbiy yordam ko‘rsatdi.
Izoh (0)