Канада Киевга 64,8 миллион Канада доллари (47 миллион АҚШ доллари) миқдорида ҳарбий ёрдам ажратди.
Бу ҳақда мамлакат мудофаа вазири Уилям Блер маълум қилди.
“Бугун эълон қилинган ҳарбий ёрдам Украинани мудофаа учун зарур бўлган муҳим ресурслар билан таъминлайди”, дея унинг сўзларини келтиради Reuters.
Вазирнинг сўзларига кўра, ажратилган маблағлар ўқотар қуроллар, снарядлар ва ҳимоя воситаларини сотиб олишга, шунингдек, украиналик жангчиларни тайёрлашга йўналтирилади.
Бу маблағлар Украинага 500 миллион Канада доллари (тахминан 362 миллион АҚШ доллари) ёрдам пакетининг бир қисмидир.
Умуман олганда, 2022 йил февралидан бери Канада Киевга 4,5 миллиард Канада доллари (3,26 миллиард АҚШ доллари) миқдорида ҳарбий ёрдам кўрсатди.
Изоҳ (0)