Rossiya TIV Ukrainaning unga berilgan Amerika qurollaridan foydalanishi haqidagi qarorlarning “halokatli oqibatlari”ni e’lon qildi, deya Deutsche Welle xabar berdi.
Noma’lum sabablarga ko‘ra, ular qabul qilishi mumkin bo‘lgan javob jiddiyligini yetarlicha baholamayapti, — dedi Rossiya TIV rahbari o‘rinbosari Sergey Ryabkov.
U Vashingtonni Rossiya prezidenti Vladimir Putinning, xususan, Toshkentdagi muzokaralar yakunlari bo‘yicha matbuot anjumanida bildirilgan bayonotlarini o‘rganishga chaqirgan.
Bu juda muhim ogohlantirish va uni jiddiy qabul qilish kerak, — deya qo‘shimcha qilgan Rossiya rasmiysi.
So‘nggi kunlarda bir qator davlatlar taqdim etgan qurollaridan Ukrainaga Rossiyaning harbiy nishonlariga hujum qilishda foydalanish uchun ruxsat berdi. Fransiya, Litva, Latviya, Kanada, Shvetsiya, Estoniya, Polsha, Germaniya, Finlyandiya, Chexiya, Buyuk Britaniya va Niderlandiya shunday mazmundagi bayonotlar bilan chiqqan.
Shuningdek, AQSH ma’muriyati Kiyevga Rossiyadagi nishonlarga zarba berishga ruxsat bergan. Belgiya Ukrainaga Rossiyaga hujum qilish uchun qurol ishlatishiga ruxsat bermasligini ma’lum qilgan. NATO va Yevropa Ittifoqi Ukraina armiyasi tomonidan G‘arb qurollaridan foydalanishga qo‘yilgan cheklovlarni bekor qilishga chaqirgan.
Avvalroq Putin NATO davlatlari, ayniqsa, Yevropadagi kichik davlat vakillari nima bilan o‘ynashayotganidan xabardor bo‘lishi kerakligini ta’kidlagan edi.
Izoh (0)