Singapur bosh vaziri Lourens Vong dunyoning eng ko‘p maosh oladigan yetakchilari ro‘yxatida birinchi o‘rinni egalladi. Uning yillik maoshi deyarli 1,69 million dollarga teng. Bu haqda Forbes xabar berdi.
Reytingda undan keyingi o‘rinda Shveysariya prezidenti Viola Amerd turadi, u yiliga 570 ming dollar daromad topadi. 3-o‘rinni Avstraliya bosh vaziri Entoni Albaniz 413 ming dollar bilan egallagan bo‘lsa, 4-o‘rinda AQSH prezidenti Jo Bayden joylashgan. Uning yillik daromadi 400 ming dollarni tashkil etadi.
Ularning ortidan Avstriya kansleri Karl Nexammer (316,7 ming dollar), Yangi Zelandiya bosh vaziri Kristofer Lakson (310,5 ming dollar), Kanada bosh vaziri Jastin Tryudo (310,5 ming dollar), Germaniya kansleri Olaf Shols (293,3 ming dollar) va Yaponiya bosh vaziri Sigeru Isiba (276,4 ming dollar) kelmoqda. Eng boy rahbarlar o‘ntaligini Irlandiya bosh vaziri Saymon Harris (267,3 ming dollar) yakunlagan.
Rossiya rahbari Vladimir Putin ro‘yxatda umuman ko‘rsatilmagan. Putin 2017-yildan 2022-yilgacha 67,5 million rubl ishlab topgan. Uning daromad manbalari orasida ish haqi, harbiy pensiya, bank omonatlari, qimmatli qog‘ozlar, shuningdek, mulkni sotish ko‘rsatilgan.
Izoh (0)