Barcha narsasi bor insonga nima sovg‘a qilish mumkin? Bu savolga quyidagi jahonga mashhur yulduzlar javob topgan ko‘rinadi. Ularning tanlovi barchani lol qoldirishi shubhasiz.
Selena Gomes
Selena Gomesning qaylig‘i xonanda uchun hech narsani ayamaydi. Uning tug‘ilgan kuniga Benni Blanko 600 ming dollarlik zanjir sovg‘a qildi. Aksessuardagi “b” harfi brilliantlar bilan bezatilgan.
“Ushbu zanjir mening dunyodagi eng go‘zal qallig‘im uchun maxsus atalgan”, deb yozadi Blanko.
Rayan Reynolds
Aktyor Rayan Reynolds 2021-yilda hamkasbi bilan birgalikda 2,5 million dollardan ko‘proq pul evaziga “Reksem” futbol jamoasini sotib olgan.
“Bu xarid Rayan sarmoya kiritgan eng yaxshi tanlov bo‘ldi, chunki uning aksiyalari hozirgi kunda bir necha barobarga ko‘tarilgan”, deb ma’lumot berdi In Touch Weekly.
“Reksem” futbol klubi tugatilish arafasida edi, lekin Reynolds komandaning nafaqat obro‘sini, balki qiymatini ham saqlab qolishga muvaffaq bo‘ldi. Hozirda jamoaning narxi 12 million dollardan oshadi.
Kris Jenner
Psalmning buvisi Kris Jenner nabirasiga atab 1500 dollarga hashamatli Tesla Cybertruck mashinasining mini-versiyasini sovg‘a qilgan. Muxlislar bolakay kattaroq bo‘lganida unga mazkur mashinaning haqiqiy versiyasini hadya qilishlariga ishonadi.
Kardi Bi
Musiqadan tashqari xonanda ikkita narsaga juda qiziqadi: avtomobillar va Birkin sumkalari. Kardi Bi turli rusumdagi mashinalarga haqiqatan ham juda ko‘p pul sarflaydi. REREV portali bergan ma’lumotlarga ko‘ra, xonandaga tegishli avtoturargohdagi mashinalarning umumiy qiymati 42 million dollarga baholanadi. Qiziqarlisi, yulduz mashina haydashni bilmaydi va uning haydovchilik guvohnomasi yo‘q.
Birkin sumkalari esa Kardi Bining sevimli aksessuarlaridir. Page Six yozishicha, bunday kolleksiya taxminan 2 million dollar turadi.
“Uyimda haqiqatan bo‘sh joy qolmadi”, deydi xonanda.
Teylor Svift
Xonanda boshqa ayollar kabi zargarlik buyumlarini yig‘ishga emas, balki samolyotlar xarid qilishni yaxshi ko‘radi. Xonandaning ikkita shaxsiy samolyoti bor.
“U juda chiroyli va juda murakkab turdagi samolyotlarning muxlisidir”, deb yozadi amerikalik jurnalist Tom Braun.
Boshqa tomondan, xonanda uchun samolyot birinchi navbatda qulaylik manbayidir. Bir necha davlatlarda bo‘lib o‘tgan The Eras Tour davomida uning shaxsiy samolyoti deyarli 7 kun tanaffuslarsiz havoda vaqt o‘tkazgan. Bunday uzoq va katta gastrol konsertlari uchun ulkan tashkiliy jamoa mehnat qiladi.
Kim Kardashyan
Lil Hidden Hills nomli shaharcha AQSHning Kaliforniya shtatida joylashgan. Ushbu joy Kim Kardashyan tomonidan bolalari o‘ynashi uchun qurilgan. Shaharcha o‘t o‘chirish markazi, butiklar, do‘konlar va kafelar bilan jihozlangan. Uning markazida Lego’dan yasalgan ulkan qal’a mavjud. Uning ichi turli o‘yinchoqlar va barcha kerakli ashyolar bilan to‘ldirilgan.
Izoh (0)