Qirg‘iziston Milliy elektr tarmog‘i direktori o‘rinbosari Askat Abilayevga nisbatan qamoqqa olish tarzidagi ehtiyot chorasi uy qamog‘iga o‘zgartirildi.
Askat Abilayev 7-oktyabr kuni mansab vakolatini suiiste’mol qilganlikda ayblanib hibsga olingan edi.
Ichki ishlar vazirligi Qirg‘iziston Milliy elektr tarmog‘i mutasaddilari tenderni davlat xaridlari to‘g‘risidagi qonunni buzgan holda va narxlarni oldindan nazorat etmasdan o‘tkazganini ma’lum qilgan. Buning oqibatida birgina tenderda davlatga 25 million somdan ortiq zarar yetkazilgan.
Sud avvalroq Askat Abilayevga nisbatan qamoqqa olish tarzidagi ehtiyot chorasini tanlagan edi. U 2024-yil 2-dekabrgacha hibsda saqlanishi ko‘zda tutilgandi.
Ammo Pervomayskiy tuman sudi qamoqqa olish tarzidagi ehtiyot chorasini uy qamog‘i bilan almashtirdi.
Izoh (0)