Қирғизистон Миллий электр тармоғи директори ўринбосари Аскат Абилаевга нисбатан қамоққа олиш тарзидаги эҳтиёт чораси уй қамоғига ўзгартирилди.
Аскат Абилаев 7 октябрь куни мансаб ваколатини суиистеъмол қилганликда айбланиб ҳибсга олинган эди.
Ички ишлар вазирлиги Қирғизистон Миллий электр тармоғи мутасаддилари тендерни давлат харидлари тўғрисидаги қонунни бузган ҳолда ва нархларни олдиндан назорат этмасдан ўтказганини маълум қилган. Бунинг оқибатида биргина тендерда давлатга 25 миллион сомдан ортиқ зарар етказилган.
Суд аввалроқ Аскат Абилаевга нисбатан қамоққа олиш тарзидаги эҳтиёт чорасини танлаган эди. У 2024 йил 2 декабргача ҳибсда сақланиши кўзда тутилганди.
Аммо Первомайский туман суди қамоққа олиш тарзидаги эҳтиёт чорасини уй қамоғи билан алмаштирди.
Изоҳ (0)