Ukraina Oliy Radasi 18 yoshdan 25 yoshgacha bo‘lgan erkaklarni safarbar qilishni taqiqlovchi qonunni qabul qildi. Bu haqda parlament deputati Aleksey Goncharenko ma’lum qildi.
“Rada 18-25 yoshlilarni safarbar qilishni taqiqladi. Qonun loyihasi to‘liq qabul qilindi”, deb yozadi u.
Goncharenkoning fikricha, bunday yoshdagilarni safarbar qilish uyat.
Avvalroq Ukraina ommaviy axborot vositalari mamlakat armiyasidagi yo‘qotishlarni to‘ldirishdagi qiyinchiliklar, shu jumladan, 18 yoshdan oshgan yoshlarni harbiy xizmatga chaqirish sharoitida safarbarlikning kengayishi mumkinligini ta’kidlagan edi. Advokatlar 25 yoshgacha bo‘lgan erkaklar harbiy xizmatga qisman yaroqli deb topilgan taqdirda, hatto harbiy kafedradan o‘tmasdan ham safarbar qilish imkonini beradigan qonunchilik ziddiyatini aniqlagan.
Qonun loyihasi ushbu muammoni 2024-yil iyunigacha tibbiy tomonlama layoqatsiz deb topilgan 25 yoshgacha bo‘lgan erkaklarga safarbarlikni kechiktirish orqali hal qilishga qaratilgan. Shuningdek, qonun bakalavriat bosqichini tugatayotgan va magistratura imtihonlariga ro‘yxatdan o‘tayotgan talabalarni tibbiy ko‘rikdan o‘tkazish va harbiy xizmatga chaqirilish ehtimolidan himoya qiladi.
Izoh (0)