Interpol odam savdosiga qarshi kurashish operatsiya doirasida 39 mamlakatda 219 nafar shaxsni hibsga olgan. Bu haqda tashkilot rasmiy saytida maʼlum qilindi.
Manbada aytilishicha, tashkilot 1374 nafar jabrlanuvchining arizasiga asosan maxsus operatsiya tashkil etgan. Yevropa, Shimoliy va G‘arbiy Afrika mamlakatlari politsiyalari bilan hamkorlik tashkil qilingan.
“Global zanjir” operatsiyasi doirasida odam savdosi qurbonlari bilan aloqa bog‘lab, maʼlumot to‘plashga harakat qilingan. Bunday qurbonlarning aniqlangan soni 1374 kishi bo‘lib, shundan 153 nafari bolalardir.
Operatsiyaning muvofiqlashtiruvchilari Europol, Frontex va Interpol tashkilotlari hisoblanadi. Operatsiya jinsiy ekspluatatsiya, majburiy jinoyatchilik va majburiy tilanchilik holatlariga eʼtibor qaratib, yuqori xavfli jinoiy tarmoqlarni yo‘q qilishga qaratilgan.
Operatsiya milliy hokimiyat organlarini o‘z mamlakatlarida maqsadli tadbirlarni amalga oshirishga, transchegaraviy hamkorlikni osonlashtirishga va jamoatchilik xabardorligini oshirishga undagan. Yondashuvlarga bir necha qitʼadan politsiya kuchlari va chegarachilar jalb qilingan.
Operatsiya davomida jami 276 ta alohida holat yuzasidan tergov boshlangan. 362 kishi gumondor sifatida ro‘yxatga olingan. 2074 ta jinoiy aktivlar hukumatlar foydasiga musodara qilingan. 363 ta firibgarlik hujjatlari fosh qilingan.
Operatsiya Albaniya, Avstriya, Belgiya, Bosniya va Gersegovina, Braziliya, Bolgariya, Kolumbiya, Xorvatiya, Kipr, Daniya, Finlyandiya, Fransiya, Germaniya, Gretsiya, Vengriya, Islandiya, Irlandiya, Kosovo, Latviya, Litva, Malta, Moldova, Chernogoriya, Niderlandiya , Nigeriya, Shimoliy Makedoniya, Polsha, Portugaliya, Ruminiya, Serbiya, Slovakiya, Sloveniya, Ispaniya, Shvetsiya, Shveysariya, Tailand, Ukraina, Buyuk Britaniya va Vyetnam kabi mamlakatlarda amalga oshirilgan. Ushbu mamlakatlarda o‘tkazilgan ommaviy tadbirlar natijasida odam savdosining xalqaro tuzilmasini yo‘q qilish maqsad qilingan.
Izoh (0)