Ukraina prezidenti ofisi rahbari maslahatchisi Darya Zarivnaya noyabr oyida ikkinchi tinchlik sammiti o‘tkazilmasligini ma’lum qildi. Bu haqda Telegraf xabar berdi.
Ma’lum qilinishicha, hozirda tinchlik formulasining har bir bandi bo‘yicha konferensiyalar davom etmoqda.
Noyabr oyida ikkinchi tinchlik sammiti o‘tkazilmaydi. Ammo tayyorgarlik ishlari allaqachon yakunlangan bo‘lishi kerak. Hozircha formulaning har bir bandi bo‘yicha konferensiyalar o‘tkazilmoqda va ular kommyunike qabul qilinishi bilan yakunlanadi. Ushbu kommyunikelardagi asosiy qoidalar kelgusi ikkinchi sammitning tinchlik rejasi uchun asos bo‘lib xizmat qiladi, deydi Zarivnaya.
Shuningdek, u Kanadada gumanitar masalalar — harbiy asirlar, tinch aholi garovga olinganlarni ozod qilish va bolalarni qaytarish bo‘yicha so‘nggi tematik konferensiya 30-31-oktyabr kunlari bo‘lib o‘tishini ta’kidladi. Bu butun jarayonni yakunlaydi.
Izoh (0)