Fransiya qurolli kuchlari SAMP-T/NG havo hujumidan mudofaa tizimiga mo‘ljallangan yangi Aster raketasining birinchi sinovini o‘tkazadi.
Bu haqda Fransiya qurolli kuchlari vaziri Sebastyan Lekornyu ma’lum qildi.
“Bugun ertalab Biskarosda SAMP-T/NG havo mudofaa tizimi uchun mo‘ljallangan Aster raketasining birinchi sinovini o‘tkazamiz”, deb yozdi u.
Mudofaa vazirligi rahbari Ukraina va Yaqin Sharqdagi hozirgi mojarolar havo hujumiga qarshi mudofaa tizimlarining asosiy rolini namoyish etishini qayd etdi. Uning so‘zlariga ko‘ra, Thal s va MBDA kompaniyalari tomonidan ishlab chiqilgan yangi havo mudofaa tizimi gipertovushli raketalarni tutib olishga qodir bo‘ladi.
Sebastyan Lekornyu ushbu tizim “fransuz qurollari orasida eng ko‘p eksport qilinadigan mahsulotlardan biriga aylanishiga” umid bildirdi.
Izoh (0)