Finlyandiya prezidenti Ukrainada tinchlikka erishishning yagona yo‘lini aytdi

Finlyandiya prezidenti Aleksandr Stubb Rossiya—Ukraina mojarosini diplomatik yo‘l bilan hal qilishning istiqbolini ko‘rmayotganini, tinchlikka faqat jang maydonida erishish mumkinligini ma’lum qildi.

Uning ta’kidlashicha, u ko‘p yillardan buyon ko‘p narsa muloqotdan boshlanib, parametrlarni belgilash bilan davom etgan tinchlik vositachiligida ishtirok etgan.

Ammo menimcha, achchiq haqiqat shundaki, jang maydoni tinchlikka erishishning yagona yo‘li bo‘ladi, — dedi Stubb.

Shuningdek, u Ukrainadagi mojaro bo‘yicha Moskva bilan siyosiy muloqot to‘liq yo‘qligini aytgan. Shu bilan birga, tinchlikka bir tomonlama erishib bo‘lmasligiga e’tibor qaratgan.

• Avvalroq Finlyandiya prezidenti hukumatning Rossiya bilan chegaradagi avtomobil nazorat punktlarini noma’lum muddatga yopish haqidagi qarorini qo‘llab-quvvatlagan.
• Finlyandiya hukumati 4-aprel kuni Rossiya bilan chegaradagi nazorat-o‘tkazish punktlarini noma’lum muddatgacha yopilganini ma’lum qilgan edi.