Yevropa Komissiyasi Yaqin Sharqdagi vaziyat keskinlashuvining yangi bosqichi fonida Livandan qochqinlar soni ortishidan ogohlantirdi.
Bu haqda Yevropada migratsiya bilan bog‘liq vaziyat bo‘yicha YK hisobotida aytilgan.
Ko‘plab suriyaliklar Livanni tark etgani (deyarli 1,5 million kishi) va insonparvarlik ahvoli og‘irlashib borayotganini inobatga olsak, qochqinlar soni ortishi kutilmoqda.
“Bayrutga va Bayrutdan parvozlar to‘xtatilgan bo‘lsa-da, migrantlar uchun Yevropa Ittifoqiga yetib borish uchun dengiz, quruqlik va havo yo‘llari yoki Suriya va Turkiya orqali o‘tadigan quruqlik yo‘lidan foydalanish imkoniyatlari mavjud”, deyiladi Yevrokomissiya bayonotida.
Hisobotda aytilishicha, 29-sentyabr holatiga ko‘ra, Isroil va Livanning Hizbulloh harakati o‘rtasidagi ziddiyat natijasida 345 ming kishi ko‘chirilgan. Sentyabr oyi oxiriga kelib 100 mingga yaqin odam Suriyaga qochgan.
Izoh (0)