Atlantika okeanini qayiqda suzib o‘tishga uringan er-xotin Kanada qirg‘oqlari yaqinida o‘lik holda topildi. Bu haqda CNN nashri xabar berdi.
Manbada aytilishicha, britaniyalik juftlik 11-iyun kuni Yangi Shotlandiyaning Galifaks bandargohidan Kanada tomonga suzib ketgan. Ular oddiy qayiqda ulkan ummonni kesib o‘tishni maqsad qilishgan.
70 yoshli Brett Klibberi va uning rafiqasi 60 yoshli Sara Pakvud Theros nomli kemada sayohatga chiqishgan. 10-iyul kuni esa Kanada politsiyasi Sable oroli yaqinida ularning jasadlarini topgan.
Juftlikning okeanda izsiz yo‘qolgani haqida 18-iyun kuni xabar berilgan. Shundan so‘ng Atlantika atrofidagi mamlakatlar dengiz patrul kuchlari ularni izlashga tushgan.
Juftlikning jasadi Sable oroli yaqinidagi kemalar halokati ko‘p uchraydigan hududdan topilgan. Ushbu hudud “Atlantika qabristoni” deb nomlanib, u yerda 1583-yildan beri 350 dan ortiq kema halokati qayd etilgan.
Klibberi va Pakvud o‘zlarini sarguzasht sayohatchilari sifatida tasvirlab, Theros Adventures nomli YouTube kanalida sayohatlari haqida hikoya qiluvchi videolarni joylashtirib kelgan.
Juftlik sayohatni motorli qayiqda boshlashgan. Qayiq unga o‘rnatilgan quyosh panellaridan quvvat olgan. Kanada sohillarida ularning jasadlari boshqa bir favqulodda vaziyatlar uchun mo‘ljallangan rezina qayiqda topilgan. O‘lim sabablari aniqlanmagan.
Izoh (0)