Toshkent viloyati favqulodda vaziyatlar boshqarmasi navbatchilik qismiga Chirchiq daryosida qirg‘oqdan 400 metr uzoqlikda motor qayiqda zanjirga o‘ralib qolib ketgan fuqarolar yordam so‘rab murojaat qilgan. Bu haqda FVV matbuot xizmati ma’lum qildi.
Aniqlanishicha, Chinoz tumani Yangi Chinoz shaharchasi hududida joylashgan daryoda harakatlanib ketayotgan motor qayiq daryo qumini chiqarib olish texnologiyasini ushlab turuvchi temir zanjirga o‘ralib qolib, taxminan 2 soat davomida qolib ketgan.
Chinoz tumani favqulodda vaziyatlar bo‘limi qutqaruvchilari zudlik bilan voqea joyiga yetib borgan. Olib borilgan tezkor choralar natijasida 3 nafar fuqaro sog‘-salomat qutqarib olingan.
Izoh (0)