“Tolibon” davlat idoralarida ishlaydigan ayollarning oyligini lavozimidan qat’i nazar 5 ming afg‘oni (salkam 900 ming so‘m) etib belgiladi. Bu haqda Sputnik Afg‘oniston xabar berdi.
Davlat xizmatida ishlovchi ayollar va o‘qituvchilar maoshlarining qisqarishi og‘ir iqtisodiy muammolarga olib kelishi, bolalar och qolishini ta’kidlamoqda. Ayollar “Tolibon”ning 5 ming afg‘oni to‘lash haqidagi qarorini “adolatsizlik” deb atagan va “Tolibon” rahbarining buyrug‘i ayollarga nisbatan “jiddiy ta’qib” ekanini bildirgan.
Bir hafta oldin “Tolibon” yetakchisi avvalgi hukumatda ishlagan va hozir ham faoliyat yurituvchi ayollarning maoshini 5 ming afg‘oni etib belgilash to‘g‘risida farmoyish chiqargandi.
Afg‘onistonda ayollarga nisbatan joriy qilingan taqiqlar quyidagilar:
- afg‘onistonlik ayollarning BMT idoralarida ishlashi;
- erkaklarga ayollar uchun kiyim tikish;
- ayollarning erkak shifokorlarga borishi;
- ayollarning shifoxonaga yolg‘iz borishi;
- ayollarning istirohat bog‘iga tashrif buyurishi,
- oilalar va ayollarning bog‘lari yoki yashil hududlari bo‘lgan restoranlarga kirishi,
- ayollar ovozi eshitilgan reklamalarni efirga uzatish taqiqlangan.
Izoh (0)