Afg‘onistonning Xost viloyatidagi manbalar “Tolibon”ning buyrug‘i bilan ushbu viloyatda uch mahalliy OAV xodimi hibsga olinganini tasdiqladi, deya Atlas Press xabar berdi.
Manbalarga ko‘ra, Xostdagi uchta mahalliy radiostansiyaning uch nafar operatori “Tolibon” tomonidan guruhning politsiya shtab-kvartirasiga ko‘chirilgan.
OAV xodimlari musiqa qo‘ygani va eshittirish vaqtida ayollarga qo‘ng‘iroq qilgani uchun hibsga olingani aytilmoqda.
Xost viloyatidagi “Tolibon” vakillari hozircha mazkur holat yuzasidan izoh bermagan.
“Tolibon” ommaviy axborot vositalari va jurnalistlarga nisbatan qattiq cheklovlar joriy qilgan. “Tolibon” hukumati OAV senzurasini kuchaytirgan, xususan, mahalliy ommaviy axborot vositalarining ayol xodimlariga ishlashni taqiqlagan, o‘nlab jurnalist va OAV xodimlari noma’lum sabablarga ko‘ra “Tolibon” tomonidan hibsga olingan.
Izoh (0)