AQSH sobiq prezidenti Donald Tramp amaldagi davlat rahbari Jo Bayden bilan ikki marta debat o‘tkazishga rozi ekanligini aytdi, deb xabar berdi Fox News.
“Men tayyorman. Taklif etilgan sanalar menga mos keladi. Men istalgan vaqtda, istalgan joyda bahslashishga tayyorman”, — dedi u Fox News telekanaliga.
“Ayyor Jo Bayden — men duch kelgan eng yomon munozarachi. U ikki so‘zni birlashtira olmaydi. U shuningdek, katta farq bilan AQSH tarixidagi eng yomon prezident”, — deya qo‘shimcha qildi Tramp.
Shu bilan birga, u AQSHda prezidentlik saylovlari oldidan debatlarni tashkil qilish bilan shug‘ullanuvchi komissiyani tanqid qildi. “Munozara vaqti keldi, debatni prezidentlikka nomzodlar o‘rtasidagi bahslarga mas’ul komissiya orqali bo‘lsa ham o‘tkazish kerak. Bu komissiya to‘liq Demokratik partiya nazorati ostida”, — dedi u.
15-may kuni Baydenning saylovoldi kampaniyasiga 2024-yil iyun va sentyabr oylarida Tramp bilan debat o‘tkazishni taklif qilingan edi. Amaldagi prezident Tramp bilan bahslashishga tayyorligini tasdiqladi.
Izoh (0)