Ukraina 2 milliard dollar miqdorida qo‘shimcha harbiy yordam oladi, dedi AQSH davlat kotibi Entoni Blinken. Ushbu mablag‘lar Ukraina harbiy-sanoat kompleksiga sarmoya kiritish uchun yaratilgan mudofaa korxonalari fondidan ajratiladi.
“Biz yetkazib berishni boshladik va Ukrainaga ma’lum miqdorda yordam yetkazib berildi. Bugun men yana qo‘shimcha 2 milliard dollar miqdorida mablag‘ ajratamiz, deb e’lon qilmoqchiman”, — dedi Blinken Ukraina tashqi ishlar vaziri Dmitriy Kuleba bilan bo‘lib o‘tgan matbuot anjumanida. Bu mablag‘lar Ukrainada harbiy ishlab chiqarishni rivojlantirish va boshqa davlatlardan qurol sotib olishga yo‘naltiriladi.
24-aprel kuni AQSH prezidenti Jo Bayden Ukrainaga yordam berish uchun 61 milliard dollar ajratishni o‘z ichiga olgan qonun loyihalari paketini imzolagandi, shundan 20 milliard dollari Amerika zaxiralarini to‘ldirishga, 14 milliard dollari qurol sotib olishga yo‘naltiriladi.
10-may kuni Jo Bayden Ukrainaga 400 million dollar harbiy yordam ko‘rsatish bo‘yicha topshiriq bergandi.
Izoh (0)