АҚШ собиқ президенти Дональд Трамп амалдаги давлат раҳбари Жо Байден билан икки марта дебат ўтказишга рози эканлигини айтди, деб хабар берди Fox News.
“Мен тайёрман. Таклиф этилган саналар менга мос келади. Мен исталган вақтда, исталган жойда баҳслашишга тайёрман”, — деди у Fox News телеканалига.
“Айёр Жо Байден — мен дуч келган энг ёмон мунозарачи. У икки сўзни бирлаштира олмайди. У шунингдек, катта фарқ билан АҚШ тарихидаги энг ёмон президент”, — дея қўшимча қилди Трамп.
Шу билан бирга, у АҚШда президентлик сайловлари олдидан дебатларни ташкил қилиш билан шуғулланувчи комиссияни танқид қилди. “Мунозара вақти келди, дебатни президентликка номзодлар ўртасидаги баҳсларга масъул комиссия орқали бўлса ҳам ўтказиш керак. Бу комиссия тўлиқ Демократик партия назорати остида”, — деди у.
15 май куни Байденнинг сайловолди кампаниясига 2024 йил июнь ва сентябрь ойларида Трамп билан дебат ўтказишни таклиф қилинган эди. Амалдаги президент Трамп билан баҳслашишга тайёрлигини тасдиқлади.
Изоҳ (0)