Rossiya armiyasi 15-may kuni Ukrainaning Xarkov viloyati hududidagi 2 ta aholi punktida nazoratni o‘z qo‘liga olgan. Bu haqda Rossiya Mudofaa vazirligi bayonotiga asoslanib, Reuters nashri xabar berdi.
Manbada aytilishicha, Rossiya kuchlari Zaporojye viloyati janubida ham oldinga siljishga erishgan. Bitta aholi punkti ustidan nazorat qo‘lga kiritilgan.
Rossiya Mudofaa vazirligi ayni damda Xarkov viloyatidagi Glubokoye va Lukyantsi aholi punktlarida ruslar harbiy pozitsiyalari mustahkamlanayotganini bildirgan. Rossiyaning “Shimoliy” harbiy guruhi bo‘linmalari shiddatli janglardan so‘ng dushman mudofaa chizig‘iga chuqur kirib borgani aytilgan.
Vazirlik Xarkov viloyatining boshqa hududlarida ham shiddatli janglar ketayotganini xabar qilgan. Viloyat chegarasida Rossiyaning uchta hujumi qaytarilgan.
Ukraina harbiylari 14-may kuni kechki payt Kiyev qo‘shinlari Xarkov viloyatining ikki hududida “foydaliroq” pozitsiyalarga qaytganini maʼlum qilgan. Mudofaa chizig‘idagi ushbu chekinish “harbiy xizmatchilarning hayotini saqlab qolish va talafotlarning oldini olish uchun” amalga oshirilgani aytilgan.
Rossiyaning “Dnepr” harbiy guruhi bo‘linmalari ham janubiy yo‘nalishda oldinga siljib, Rabotino aholi punktida to‘liq nazorat o‘rnatgan. Zaporojye viloyatining bir qancha hududlarida nisbatan faol janglar kuzatilgan.
Izoh (0)