Tojikiston chegara kuchlari tomonidan hibsga olinganidan so‘ng afg‘onistonlik yigit o‘zini daryoga tashlab, halok bo‘ldi. Bu haqda Hasht-e Subh Daily xabar berdi.
Badaxshondagi “Tolibon” xavfsizlik qo‘mondonligi rasmiylarining aytishicha, marhum 25 yoshli yigit bo‘lgan. U Tojikiston chegarachilari tomonidan marixuana savdosida ayblanib, hibsga olinganidan keyin o‘zini daryoga tashlagan.
“Tolibon” rasmiysi Ehsonulloh Kamgar voqea Badaxshon viloyatidagi Shag‘non tumanida sodir bo‘lganini aytdi. Afg‘onistonlik yigit Taxor viloyati fuqarosi bo‘lib, Afg‘oniston va Tojikiston chegarasidagi qo‘shma bozorda do‘koni bo‘lgan. “Tolibon” xavfsizlik qo‘mondonligi hozircha marhumning jasadi topilmagani, uni qidirish davom etayotganini aytdi.
Izoh (0)