M-39 xalqaro avtomobil yo‘lida yoriqlar paydo bo‘lgani maʼlum qilindi

M-39 xalqaro avtomobil yo‘lida yoriqlar paydo bo‘ldi. Bu haqda Samarqand viloyati IIB JXX YHXB axborot xizmati xabar berdi.

Maʼlum qilinishicha, 14-fevral kuni M-39 Olmaota—Toshkent—Termiz avtomobil yo‘lining 1079–1080-km lari oralig‘i, Samarqand—Toshkent yo‘nalishi bo‘ylab o‘ng tomondagi Cho‘pon ota tepaligida yog‘ingarchiliklar va bir qator omillar taʼsiri oqibatida yoriqlar paydo bo‘lgan.

Shu sabab transport vositalarining harakati vaqtincha bir tomonlama tashkil etiladi.

Yuk transport vositalarining harakati quyidagicha tashkil etiladi:

• Toshkent—Navoiy yo‘nalishiga M-39 — 4R-48 avtomobil yo‘llari chorrahasidan 4R-48,4K-493v avtomobil yo‘llari orqali;
• Kitob—Toshkent yo‘nalishiga M-39, M-37a avtomobil yo‘llari chorrahasidan M-37a avtomobil yo‘li orqali;
• Qarshi—Toshkent yo‘nalishiga A-378 M-37a avtomobil yo‘llari kesishgan qismida tashkil etilgan aylanma harakatdan M-37a avtomobil yo‘li orqali;
• Toshkent—Kitob yo‘nalishiga M-37 — M-37a avtomobil yo‘llari chorrahasidan M-37a avtomobil yo‘li orqali;
• Toshkent—Qarshi yo‘nalishiga M-37 — M-37a avtomobil yo‘llari chorrahasidan M-37a avtomobil yo‘li orqali.