Sirdaryoda yo‘l harakati qoidalari buzilishini qayd etuvchi maxsus avtomatlashtirilgan foto va video dasturiy-texnik vositalarini xarid qilish bilan bog‘liq xarajatlarga 3 milliard so‘m ajratiladi.
Bu haqda “Viloyat mahalliy budjetining 2024-yilda shakllangan qo‘shimcha manbalar hisobidan mablag‘ ajratish to‘g‘risida”gi xalq deputatlari Sirdaryo viloyati kengashi qarori loyihasida keltirilgan.
Hujjatda qayd etilishicha, bu prezidentning 2022-yil 12-iyuldagi qarori ijrosini taʼminlash maqsadida Shavkat Mirziyoyev tomonidan 2022-yil 3-may kuni o‘tkazilgan videoselektor yig‘ilishida berilgan topshiriqlar bo‘yicha tasdiqlangan yig‘ilish bayoniga asosan amalga oshiriladi.
Belgilangan topshiriqlar ijrosini taʼminlash uchun xarajatlar viloyat mahalliy budjetining 2024-yil boshida shakllangan erkin qoldiq mablag‘lari hisobidan qoplanishi rejalashtirilgan.
Izoh (0)