Varshavaning Shopena aeroportidan granata va to‘rtta patron olib ketayotgan erkak tufayli 400 ga yaqin odam evakuatsiya qilindi. Bu haqda RMF 24 xabar berdi.
Dushanba kuni mahalliy vaqt bilan soat 15:05 atrofida Ukrainadan Dubayga ketayotgan Janubiy Afrika Respublikasining 41 yoshli fuqarosining qo‘l yukini ko‘zdan kechirish chog‘ida 5,56 millimetr kalibrli to‘rtta patron topilgan.
Shu asosda yo‘lovchining ro‘yxatdan o‘tgan yuki ko‘zdan kechirilib, ichidan granata aniqlangan. Hodisa munosabati bilan navbatchi aeroport transport harakatini to‘xtatish va jo‘nab ketish terminalini evakuatsiya qilishga qaror qilgan. Mahalliy vaqt bilan soat 16:00 ga kelib vaziyat normal holatga qaytgan.
Janubiy Afrika Respublikasi fuqarosi chegarachilar tomonidan hibsga olingan, seshanba kuni u sudga topshirilishi kerak.
Izoh (0)