Toshkent shahrida bugun, 26-iyun — Xalqaro giyohvand moddalarni suiisteʼmoli va noqonuniy aylanishiga qarshi kurashish kuni munosabati bilan Davlat xavfsizlik xizmati tomonidan noqonuniy muomaladan musodara qilingan giyohvandlik vositalarini yo‘q qilish bo‘yicha navbatdagi tadbir o‘tkazildi.
“Daryo” muxbiring xabar berishicha, tadbirda 2 tonna 51 kg 644,96 gr giyohvandlik vositalari maxsus pechda yoqib, yo‘q qilingan.
“Giyohvandlik vositalarining noqonuniy muomalasi kengayib borishi, psixotrop va kuchli taʼsir qiluvchi moddalarni notibbiy maqsadlarda suiisteʼmol qilinishining ortishi, afg‘on opiatlarini “Shimoliy yo‘nalish” orqali tranzitining yangi kanallarini shakllanishi va mavjudlarining faollashuvi ortidan, butun dunyoda bo‘lgani kabi O‘zbekiston Respublikasida ham kuzatilayotgan narkovaziyat keskinligicha qolmoqda”, — dedi O‘zbekiston Narkotik moddalarni nazorat qilish milliy axborot-tahlil markazi bo‘lib boshlig‘i.
Maʼlum qilinishicha, “Qora dori – 2022” tadbiri davomida jami 1 082 ta holatda 5797 kv.m. maydonda tarkibida giyohvandlik vositalari bo‘lgan o‘simliklar ekib yetishtirilayotganligi aniqlangan. Shu bilan birga, 1496 kv.m. maydondagi yovvoyi tarzda o‘sayotgan nasha yo‘q qilingan.
Ichki ishlar vazirligi tomonidan boshqa huquqni muhofaza qiluvchi organlar bilan hamkorlikda 8349 ta narkojinoyatlar aniqlanib, uning natijasida 1 tonna 950 kg giyohvandlik vositalari musodara qilingan.
Davlat xavfsizlik xizmati tomonidan boshqa huquqni muhofaza qiluvchi organlar bilan hamkorlikda 1279 ta narkojinoyatlar aniqlanib, 917 kg giyohvandlik vositalari musodara qilingan.
DXX Chegara qo‘shinlari tomonidan boshqa huquqni muhofaza qiluvchi organlar bilan hamkorlikda 224 ta holatda 414 kg giyohvandlik vositalari, 1030 dona psixotrop moddalar va 63056 dona psixofaol dori preparatlari musodara qilingan.
Bojxona qo‘mitasi tomonidan boshqa huquqni muhofaza qiluvchi organlar bilan hamkorlikda giyohvandlik vositalari, psixotrop moddalar va prekursorlarning noqonuniy muomalasi bilan bog‘liq 660 ta holat aniqlangan. Natijada 675 kg giyohvandlik vositalari musodara qilingan.
Mavzuga doir:
Izoh (0)