Andijon viloyatida boshqa mashinalar jarimalari qoida buzmagan mashinalarga yozilayotgani haqida xabarlar tarqaldi. Viloyat YHXB holat yuzasidan tushuntirish berdi.
Unga ko‘ra, ijtimoiy tarmoqda tarqalgan murojaatda ko‘rsatilgan Nexia-3 60 P 937 TA davlat raqam belgili avtomashina 23-fevral kungi notarial idoralarning oldi-sotdi shartnomasiga asosan, fuqaro Y.G.ga rasmiylashtirib berilgan. Ushbu transport vositasida 27-fevral kuni haydovchi Andijon shahar hududida tezlik qoidalariga rioya qilmagani sababli “Multiradar CD” moslamasi orqali “yo‘l harakati qoidalarini buzgan” deb topilgan.
Ushbu qoidabuzarlikka nisbatan 28-fevral kuni RA23611898732 raqamli jarima solish to‘g‘risidagi qaror qabul qilingan. Qabul qilingan qaror Ro‘yxatga olish bo‘limlariga yangidan joriy qilingan dasturdagi tizimlar o‘rtasidagi integratsiya jarayoni sababli davlat raqam belgisini muqaddam mulkdori bo‘lgan H.J.ga nisbatan shakllangan.
Ushbu holat yuzasidan fuqaro H.J.ning og‘zaki murojaatiga asosan o‘rganilib, 23-fevral kunidan buyon 60 P 937 TA davlat raqam belgili transport vositasiga mulkdorlik qilayotgan asl qoidabuzar G.Y.ga nisbatan 16-may kuni jazo muqarrarligini ta’minlash maqsadida qayta qaror shakllantirildi.
Izoh (0)