Тошкент шаҳрида бугун, 26 июнь — Халқаро гиёҳванд моддаларни суиистеъмоли ва ноқонуний айланишига қарши курашиш куни муносабати билан Давлат хавфсизлик хизмати томонидан ноқонуний муомаладан мусодара қилинган гиёҳвандлик воситаларини йўқ қилиш бўйича навбатдаги тадбир ўтказилди.
“Дарё” мухбиринг хабар беришича, тадбирда 2 тонна 51 кг 644,96 гр гиёҳвандлик воситалари махсус печда ёқиб, йўқ қилинган.
“Гиёҳвандлик воситаларининг ноқонуний муомаласи кенгайиб бориши, психотроп ва кучли таъсир қилувчи моддаларни нотиббий мақсадларда суиистеъмол қилинишининг ортиши, афғон опиатларини “Шимолий йўналиш” орқали транзитининг янги каналларини шаклланиши ва мавжудларининг фаоллашуви ортидан, бутун дунёда бўлгани каби Ўзбекистон Республикасида ҳам кузатилаётган нарковазият кескинлигича қолмоқда”, — деди Ўзбекистон Наркотик моддаларни назорат қилиш миллий ахборот-таҳлил маркази бўлиб бошлиғи.
Маълум қилинишича, “Қора дори – 2022” тадбири давомида жами 1 082 та ҳолатда 5797 кв.м. майдонда таркибида гиёҳвандлик воситалари бўлган ўсимликлар экиб етиштирилаётганлиги аниқланган. Шу билан бирга, 1496 кв.м. майдондаги ёввойи тарзда ўсаётган наша йўқ қилинган.
Ички ишлар вазирлиги томонидан бошқа ҳуқуқни муҳофаза қилувчи органлар билан ҳамкорликда 8349 та наркожиноятлар аниқланиб, унинг натижасида 1 тонна 950 кг гиёҳвандлик воситалари мусодара қилинган.
Давлат хавфсизлик хизмати томонидан бошқа ҳуқуқни муҳофаза қилувчи органлар билан ҳамкорликда 1279 та наркожиноятлар аниқланиб, 917 кг гиёҳвандлик воситалари мусодара қилинган.
ДХХ Чегара қўшинлари томонидан бошқа ҳуқуқни муҳофаза қилувчи органлар билан ҳамкорликда 224 та ҳолатда 414 кг гиёҳвандлик воситалари, 1030 дона психотроп моддалар ва 63056 дона психофаол дори препаратлари мусодара қилинган.
Божхона қўмитаси томонидан бошқа ҳуқуқни муҳофаза қилувчи органлар билан ҳамкорликда гиёҳвандлик воситалари, психотроп моддалар ва прекурсорларнинг ноқонуний муомаласи билан боғлиқ 660 та ҳолат аниқланган. Натижада 675 кг гиёҳвандлик воситалари мусодара қилинган.
Мавзуга доир:
Изоҳ (0)