Rossiyaning Perm shahrida qiyin ahvolda qolgan namanganlik erkakka amaliy yordam berildi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, Perm shahrida vaqtincha mehnat faoliyatini amalga oshirish davrida murakkab vaziyatda qolgan yurtdoshimizning Vatanga qaytarilishida amaliy yordam berildi. Erkak agentlikka o‘z minnatdorligini bilidirib, ular yordamida mamlakatga qaytayotganini ta‘kidladi.
“Assalomu alaykum, men Tashqi mehnat migratsiyasiga ariza bilan murojaat qildim. Menga moddiy yordam hamda O‘zbekistonga, Namanganga qaytib ketishim uchun bilet olib berishdi. Migratsiyaga katta rahmat aytaman. Ahvolim nochorligini hisobiga ular moddiy yordam berishdi, qilgan mehnatlariga katta rahmat”, — deydi erkak.
Bundan tashqari, Tashqi mehnat migratsiyasi agentligining Moskva shahridagi vakolatxonasi huzuridagi mehnat migrantlari murojaatlari bilan ishlash va huquqiy qo‘llab-quvvatlash markazi xodimlari aralashuvi bilan bir guruh o‘zbekistonliklarning shaxsini tasdiqlovchi hujjatlari olib berildi.
Shuningdek, fuqarolarga Rossiyaning mehnat migratsiyasiga oid qonunchiligi bo‘yicha batafsil maʼlumot berildi.
Izoh (0)