“Daryo” reportaji: Namangandagi masjidlarda ado etilgan ramazon oyining ilk juma namozi (foto va video)

Respublikadagi barcha masjidlarda bugun, 24-mart kuni ramazon oyining ilk juma namozi o‘qildi. Juma namozi maʼruzasida ramazon tarixi va muborak oy fazilatlari haqida so‘z bordi. Ro‘za tutish ahkomlari va odoblari haqida batafsil tushunchalar berildi.

“Daryo” muxbirlari Namangan shahridagi “Yusufxon o‘g‘li Qosimxon” jome masjidida bo‘lib, juma namozi ado etilishini foto va video tasvirlarga tushirdi.

Maʼlumot uchun, bugungi kunda Namangan viloyatida jami 190 ta masjid faoliyat ko‘rsatmoqda. Viloyat markazidagi “Afsonalar vodiysi” bog‘ida joylashgan “Yusufxon o‘g‘li Qosimxon” jome masjidi ular ichida eng mashhuri hisoblanadi.