“Дарё” репортажи: Намангандаги масжидларда адо этилган рамазон ойининг илк жума намози (фото ва видео)

Республикадаги барча масжидларда бугун, 24 март куни рамазон ойининг илк жума намози ўқилди. Жума намози маърузасида рамазон тарихи ва муборак ой фазилатлари ҳақида сўз борди. Рўза тутиш аҳкомлари ва одоблари ҳақида батафсил тушунчалар берилди.

“Дарё” мухбирлари Наманган шаҳридаги “Юсуфхон ўғли Қосимхон” жоме масжидида бўлиб, жума намози адо этилишини фото ва видео тасвирларга туширди.

Маълумот учун, бугунги кунда Наманган вилоятида жами 190 та масжид фаолият кўрсатмоқда. Вилоят марказидаги “Афсоналар водийси” боғида жойлашган “Юсуфхон ўғли Қосимхон” жоме масжиди улар ичида энг машҳури ҳисобланади.