Namangan viloyati Kosonsoy tumanidagi 2-maktab direktori va o‘qituvchisi o‘rtasida janjal yuzaga keldi. Viloyat IIB holat yuzasidan munosabat bildirdi.
Surishtiruv natijalariga ko‘ra, 28-fevral kuni maktabda 1980-yilda tug‘ilgan direktor va 1959-yilda tug‘ilgan o‘qituvchi o‘rtasida nizo kelib chiqqan. Oqibatda direktor o‘qituvchining yuz qismiga boshi bilan bir marotaba urib, tan jarohati yetkazgan.
Hozirda mazkur holat yuzasidan jabrlanuvchining arizasiga asosan tuman ichki ishlar bo‘limi tomonidan tergovga qadar tekshiruv harakatlari olib borilmoqda, tergov yakuni bo‘yicha qo‘shimcha ma’lumot beriladi.
Izoh (0)