O‘zbekistonlik olimlar onkologik kasalliklarni 99 foizgacha davolaydigan yangi dori yaratdi. Bu haqda O‘zA xabar berdi.
Ushbu dorining bir dozasi hozirda AQSHda 70 000 dollarga, Yevropada esa taxminan 25 000 dollarga sotilmoqda. O‘zbekistonda ushbu dorini respublikaning 3 ta onkologiya klinikasiga 1,5 dollardan yetkazib berish boshlandi.
Bu dori vositasi Yadro fizika institutining sho‘ba korxonasi bo‘lgan “Radiopreparat” davlat korxonasi va Radiokimyo ilmiy laboratoriyasi olimlari tomonidan olib borilgan tadqiqotlar mahsuli hisoblanadi. Fotosuratda tanasi saraton metastazlari bilan qoplangan (chapda) va 2-3 oy davomida lutetium-177 PSMA-617 bilan davolashdan so‘ng (o‘ngda) 4 bemorning rasmlari ko‘rsatilgan.
“Bu dori 2018-yildan boshlab bir nechta chet davlatlarda, har biri o‘zlari yaratgan texnologiya bo‘yicha ishlab chiqarilib, tibbiyotda qo‘llanilib kelinmoqda. Biz o‘zimizda yaratilgan yangi texnologiya bo‘yicha mazkur dorini ishlab chiqarishni yo‘lga qo‘ydik. Hozirgi kunda biz ishlab chiqarayotgan “litetsiy-177” nomli izotopimiz dunyodagi boshqa ishlab chiqaruvchilar mahsulotidan 10 barobar toza hamda yuqori sifatli radioizotop hisoblanadi.
Oddiy qilib aytganda, dunyoda bor dori vositasini takomillashtirib, o‘zimiz yaratgan texnologiya bo‘yicha unga nisbatan sifatli va arzon mahsulot ishlab chiqarishni yo‘lga qo‘ydik”, — deydi institut direktori Ilhom Sodiqov.
Izoh (2)
Daryo jurnalistlari. Iltimos shu dorini qayerdan, qanday topishim mimkin batafsil ma'lumot berilar iltimos.
Ushbu doriini qayerdan qanday topsak boladi bilganlar iltimos yordam beringlar +998950112288 iltimos