IIV Yo‘l harakati xavfsizligi xizmati ayrim hududlarda, shuningdek, Toshkent shahrida shamol tezligi kuchayib borayotgani sabab ogohlantirish bilan chiqdi.
“Barcha haydovchilardan yo‘llarda ehtiyotkor bo‘lishlarini, transport vositalarini daraxt yoki kuchli shamolga chidamsiz joylarda qoldirmasliklarini so‘raymiz”, — deyiladi xabarda.
“O‘zgidromet” 10—12-martda kutilayotgan yomg‘irlar hisobiga tog‘oldi va tog‘li hududlarda sel-suv toshqin hodisalari yuzaga kelishi mumkinligini ma’lum qilgandi. Toshkentda shanba kuni kechga tomon va yakshanba kuni kun davomida yomg‘ir yog‘ishi kutilayotgani, momaqaldiroq bo‘lishi mumkinligi aytilgan. Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi.
Eslatib o‘tamiz, 2022-yil mart oyida Toshkent shahar Uchtepa tumanida daraxt qulab tushishi oqibatida bir nechta mashina shikastlangandi.
Izoh (0)