Farg‘onada uchta — ikki Matiz va bitta Damas ustiga daraxt qulab tushdi, deya xabar qilmoqda FVB.
2022-yilning 3-iyun kuni Farg‘ona viloyati hududida soat 15:50 larda boshlangan kuchli shamolning tezligi 15–17 metr/sekundni tashkil etib, Farg‘ona shahar Yuksalish ko‘chasi 12 uyning oldida to‘xtab turgan ikki Matiz avtomobilining tom qismlariga chinor daraxtining shoxi sinib tushgan.
Xuddi shunday holat Farg‘ona shahar Marg‘iloniy ko‘chasi “Navro‘z” MFY 47-uy oldida harakatlanib ketayotgan Damas avtomobilining ustki tom qismiga chinor daraxti sinib tushgan.
Yuz bergan hodisalar oqibatida aholi o‘rtasida hech qanday tan jarohati olganlar va jabrlanganlar kuzatilmadi.
Sodir bo‘lgan holatlarni zudlik bilan bartaraf etish bo‘yicha viloyat FVBdan 10 nafar, IIBdan 2 nafar, Milliy gvardiyadan 2 nafar, Obodonlashtirish boshqarmasidan 4 nafar xodim jalb etildi.
Izoh (0)