Rossiya prezidenti Vladimir Putin ustidan tribunal tashkil etish uchun BMT Bosh assambleyasida muvaffaqiyatli ovoz berish talab etiladi. Bu haqda Gaaga xalq sudi sudyasi Stiven Repga tayanib, Fokus.ua xabar berdi.
Sudyaga ko‘ra, bunday qaror uchun kamida 90 ta ovoz kerak bo‘ladi. Shu sababli Yevropa Ittifoqidan tashqari boshqa davlatlarning ham ovoz berishi kerak bo‘ladi. Shu tariqa Rossiyaga Birlashgan Millatlar Tashkilotidagi veto huquqi yordam bermaydi.
“Rossiya BMT Xavfsizlik Kengashi tomonidan bunday sud tuzilishiga veto qo‘yadi, biroq Bosh assambleyada veto huquqiga ega emas. Rossiya BMT Bosh assambleyasida oxirgi rezolyutsiyaga qarshi ovoz bergan yetti davlatdan biri edi. Bunga ham qarshi ovoz berishi aniq. Ammo ular buni to‘xtata olmaydi, chunki bunday qaror BMT Xavfsizlik Kengashidan tashqarida tasdiqlanishi mumkin. Bu muvaffaqiyatli formula, ammo uning kaliti nafaqat Yevropa davlatlarining qo‘llab-quvvatlashiga, balki Yevropa Ittifoqidan tashqaridagi vakillarga ham bog‘liq. Minimal 90 ta ovoz. Chunki betaraf qolganlar ko‘p bo‘lishi aniq”, — dedi Stiven Rep.
Sudyaning qayd etishicha, Ukraina Rossiya prezidenti va bosh vazirini mustaqil ravishda hukm qila olmaydi. Ammo harbiy rahbariyatga nisbatan Ukraina sudlari qaror qabul qilishi mumkin.
“Ukraina Putinni, Gerasimovni va hatto Shoyguni ham hukm qilolmaydi, shu uchun xalqaro sud kerak. Biz Sierra-Leone ishi bo‘yicha shunday sudni yaratishga muvaffaq bo‘lganmiz. Buning uchun BMT Bosh assambleyasida ovoz berish kifoya”, deydi Gaaga sudyasi.
Izoh (0)