Germaniya tashqi ishlar vaziri Putinni qanday sudlash bo‘yicha sxema taklif qildi

Rossiya prezidenti Vladimir Putin va mamlakatning boshqa rahbarlari Ukrainaga qarshi urush boshlagani uchun xalqaro tribunal oldiga chiqishi kerak. Bu haqda Germaniya tashqi ishlar vaziri Annalena Berbok Gaagadagi Xalqaro jinoiy sudga tashrifi chog‘ida aytdi. Bu haqda Politico xabar berdi.

Germaniya diplomatiga ko‘ra, Rossiya rahbariyatini Xalqaro jinoyat sudi doirasida javobgarlikka tortishning iloji yo‘q, chunki Rossiya bu sudning yurisdiksiyasini tan olmaydi. BMT Xavfsizlik Kengashi Xalqaro jinoiy sudga bunday vakolatlarni bera olmaydi, chunki Rossiyaning o‘zi bu rezolyutsiyani veto huquqi bilan bloklaydi.

Bu to‘siqdan o‘tish uchun Berbok hamkor davlatlarga birgalikda Rossiyaning Ukrainaga qarshi tajovuzkorligi jinoyatini ko‘rib chiqadigan va Rossiya rahbariyatini hukm qila oladigan “maxsus tribunal” tuzishni taklif qilmoqda. Shuningdek, u Ukraina jinoyat qonunchiligidan maxsus tribunalning “yurisdiksiyasini olib tashlash”ni ilgari surdi. Tribunal ishiga jalb qilingan prokurorlar va sudyalar, Berbokning fikricha, turli mamlakatlar vakili bo‘lishi, tribunalning o‘zi esa Ukrainadan tashqarida joylashgan bo‘lishi zarur.

“Putin tajovuzkorligi e’tibordan chetda qolmasligini bilishi kerak”, — deydi Berbok.

Mavzuga doir:

• Niderlandiya Rossiyaning Ukrainadagi harakatlari bo‘yicha tribunal o‘tkazishga tayyorligini ma’lum qildi
• Rossiya Fransiyaning Ukrainadagi jinoyatlar bo‘yicha tribunal yaratishiga norozilik bildirdi