Rossiya qo‘shinlari birinchi marta Ukraina qurolli kuchlariga qarshi og‘irligi 1,5 tonna bo‘lgan UPAB-1500V boshqariladigan havo bombasini (indeks K029B) ishlatdi. Bu haqda qurolli kuchlardagi manbalarga tayanib, Defense Express xabar berdi.
Bir necha hafta oldin Chernigov viloyatida bunday o‘q-dorilardan foydalanish holati aniqlangan, snaryad bo‘lagi “UPAB-1500V” ekani ma’lum qilingan. Birinchi marta mazkur bomba 2019-yilda K029BE indeksi bilan eksport versiyasida namoyish etilgan. Aynan shu yili bomba sinovdan o‘tgani va Rossiya aerokosmik kuchlariga foydalanishga topshirilgani ma’lum bo‘lgan.
“UPAB-1500V” bombasi haqida nima ma’lum?
“UPAB-1500V” sun’iy yo‘ldosh navigatsiya tizimiga ega, u yuqori darajada himoyalangan obyektlarni yo‘q qilish uchun mo‘ljallangan, uning jangovar kallagi og‘irligi 1010 kilogrammni tashkil qiladi.
Mazkur bombaning kichikroq versiyasi ham bor, uning og‘irligi 505 kg, jangovar kallagi esa 390 kg bo‘lgan “UPAB-500V”dir.
Izoh (0)