Chiroyli sochlar — ayollar uchun oson ish emas. Baʼzilar sochlari yog‘li ko‘rinmasligi uchun deyarli har kuni sochlarini yuvadi, ayrimlar esa, aksincha, ularni doimo namlaydi va quruq yoki bo‘yalgan sochlarga mo‘ljallangan niqoblar qiladi. Kimdir sochlarining ko‘pligidan nolisa, kimdir esa siyrakligidan bezovta bo‘ladi. Quyida sochlaringizning serjilo va chiroyli ko‘rinishiga yordam beradigan 7 ta layfxakni taqdim etamiz, deb yozadi “Noviy ochag” nashri.
Butun boshni emas faqat “cholka”ni yuving
Tez-tez shampunlash bosh terisi va sochlarning haddan tashqari quruqshab qolishiga, ko‘p o‘tmay yog‘ hosil bo‘lishiga olib keladi. Nima qilish kerak? Agar uzun sochlaringiz bilan birga peshonada “cholka” bo‘lsa, shuni o‘zini yuving va yaxshilab quriting.
Ipakda uxlang
Ushbu layfxak sochi tabiiy jingalaklar va qo‘ng‘iroq sochlar uchun qo‘l keladi. Kundalik oddiy paxtali yostiq jildlarini ipak yoki atlas bilan almashtiring. Bunday yostiq jildlar sochlar tabiiyligiga ziyon qilmagan holda silliqlaydi, jilo beradi.
Boshingizni paxtali sochiq bilan o‘ramang
Nihoyatda qulay bo‘lishiga qaramay, xuddi shu sababga ko‘ra, yuvinishdan keyin boshingizni paxtali sochiq bilan o‘rash odatidan voz kechishing. Bu, ayniqsa, sochi jingalaklarga mos keladi. Bunday sochiqlar tashqi va ichki namlikni tortib oladi, bu esa soch uchun foydali emas. Namlikni o‘zlashtirmaydigan maxsus mikrofiber sochiqdan foydalaning.
Maxsus taroq sotib oling
Nam sochlarni, ayniqsa, mayda va o‘rta tishli taroq bilan tarash mumkin emasligi haqida o‘qigan bo‘lsangiz kerak. Bu vaqtda soch tolalari juda nozik bo‘ladi. Yuvgandan keyin darhol buni qilish kerak bo‘lsa, katta tishli taroq sotib oling yoki sochlarni barmoqlaringiz bilan tarang. Shuningdek, turmalinli (bir qator tishli) taroq sotib olishingiz mumkin, u sochni shikastlamaydi va elektrlashtirmaydi.
Sochni to‘g‘ri quriting
Sochni quritishga shoshilmang. Ko‘pincha, ayollar tezroq quritish uchun fenning eng issiq rejimini yoqadilar. Bu salbiy odat. Sochni sekinroq bo‘lsa ham o‘rta darajada quriting. Soch quritgichni boshga juda yaqin tutmang, yaqin masofada u sochni quritib yuboradi, eng yaxshi masofa 30-40 santimetr.
Sochingiz to‘lqinsimon yoki jingalak bo‘lsa va ildizlari uchun hajm kerak bo‘lsa, bu ildizlarni fen bilan quritish mumkin. Eslab qoling: faqat ildizlarni.
Soch quritgichining havo oqimi yuqoridan pastga — soch ildizidan uning uchiga yo‘naltirilishi kerak, aksincha emas. Agar siz sochlarini fenni pastdan yuqoriga tutsangiz, xato harakat qilgan bo‘lasiz, shundan so‘ng sochlar bir-biriga yopisha boshlaydi.
Tish cho‘tkasi
O‘jar soch zulflari turli tomondan chiqib, soch turmagini buzib ko‘rsatayotgan bo‘lsa, tish cho‘tkasi yordamga keladi. Cho‘tkaga shunchaki sochni qotirish uchun mo‘ljallangan vositadan seping va u bilan tartibsiz soch zulflarini tekislang.
Qaytadan o‘sgan ildizlarni yashirish
Sochni ko‘p bo‘yash yaramaydi. Ammo qaytadan o‘sgan ildizlar xunuk ko‘rinadi. Xo‘sh, nima qilish kerak? Bu holatdan oson chiqish yo‘li — zigzag ajratishdir. Ajratish yangidek ko‘rinishini saqlab qolish uchun quruq shampundan foydalaning.
Mavzuga doir:
Izoh (0)