Ilon Mask Floki ismli shiba-inu zotiga mansub bo‘lgan itini Twitter’ning yangi bosh direktori etib tayinlaganini aytib, hazil qildi. Ijtimoiy tarmoq egasi uy hayvonining ofis dekoratsiyasida tushgan bir nechta suratlarini sahifasiga joylashtirdi.
“Twitter’ning yangi bosh direktori juda ajoyib. U bu ish uchun juda mos keladi. Oldingi yigitga qaraganda ancha yaxshi. U (it) raqamlarni zo‘r tushunadi”, — deb izoh qoldirgan Mask.
Suratda Flokining oldida uning ismi va yangi lavozimi yozilgan qog‘oz varag‘i, shuningdek, panja izi ko‘rinishidagi muhr ko‘rsatilgan.
Mask 2022-yilning dekabr oyida Twitter foydalanuvchilari o‘rtasida bosh direktor lavozimini tark etish haqida so‘rovnoma o‘tkazgan edi. Ko‘pchilik biznesmenning bu lavozimdan ketishini yoqlab ovoz bergan va u “bu ishga kirishadigan yetarlicha kaltafahm insonni” topishi bilanoq bosh direktorlikdan ketishini aytgan.
Izoh (0)