Jingalak qiluvchi “ployka” yoki dazmol kabi isitish moslamalari ajoyib soch turmagini yaratishga yordam beradi. Ammo ularni tez-tez ishlatish soch tabiiyligiga zarar yetkazadi. Ushbu uskunalar jingalak soch turmagi uchun ham qo‘l keladi. Cho‘plar, qalamlar, sharflar va lattalarni har doim topish mumkin. Ulardan to‘lqinli jingalak va lokon yaratish uchun foydalaning. Soch uchun oddiy va xavfsiz. Buni qanday qilishni birma-bir ko‘rsatamiz, deb yozadi “Noviy ochag” nashri.
Qo‘l bilan jingalak qilishdan oldin, sochlaringizni terining turiga mos keladigan shampun bilan yuving, balzam, konditsioner, quruq yoki siyrak sochlar uchun esa niqobdan foydalaning. Bu vositalar soch tolalarini yumshoq, hajmli, yorqin va silliq qiladi. Sochingizni sochiq bilan artib oling va mustahkam ushlash uchun gel yoki muss surting. Sizda bularning hech biri bo‘lmasa, hali ham sochlarni jingalak qilish uchun imkon bor: asosiysi, ozgina nam(ho‘l bo‘lmagan) sochlarda bajarish mumkin.
O‘rimli jingalaklar
Unchalik uzun va qalin bo‘lmagan soch egasi bo‘lsangiz, ularni bir oz nam holda bo‘shashtirib o‘rang va uxlang. Ertalab sochlaringizni bo‘shating, barmoqlaringiz bilan taroq kabi tarab, lozim bo‘lsa hosil bo‘lgan to‘lqinlarni lak bilan qotiring. Sochlar uzun va qalin bo‘lsa, ularni bir necha qismga ajratib olib ehtiyotkorlik bilan o‘rash mumkin. Faqat o‘rimlar tortib o‘rilmagan bo‘lishi kerak. 6-8 soat (masalan, tungi uyqudan keyin) barcha chigallarni yechib oling, lekin taramang.
Belbog‘li jingalaklar
Bu uslub uchun bolalar dush xalati belbog‘idan yoki uzun tor ipdan foydalanishingiz mumkin. Nam va toza sochlarni o‘rtasidan ikki qismga ajratib oling. Belbog‘ni boshda ikki marta gulchambar singari aylantirib oling. Ikki uchi peshonaga chiqqanda bir uchi bir qismdagi sochlarni, ikkinchi uchiga ikkinchi qism sochlarini o‘rab chiqing. So‘ng sochlar ochilib ketmasligi uchun belbog‘ning ikki uchini bog‘lab qo‘ying. Belbog‘ni ehtiyotkorlik bilan 3-5-7 soatdan keyin yechib olishingiz mumkin.
Kechki oqshom uchun to‘lqinli sochlar
Toza nam sochlarni boshning baland qismiga yig‘ing. Jingalaklarning kerakli o‘lchamiga qarab, butun uzunlikni qattiq qilib o‘rang. Yana bir yo‘li sochni ikki-uch qismga ajratib, ularni ham aylantirib o‘rang. Bir joyga o‘rab yig‘ilgan sochni shpilka bilan qotiring. 6-9 soatdan keyin sochni bo‘shating. Tabiiy egri chiziqlar bilan tabiiy yumshoq jingalaklarning guvohi bo‘lasiz. To‘plamni qancha ko‘p ushlasangiz, jingalaklar shuncha uzoq turadi.
Futbolka yordamida jingalak
Ushbu usul uchun sizga eski futbolka yoki boshingiz o‘lchamidagi elastik halqali mato kerak bo‘ladi. Futbolkaning bir uchini rezina tasma yoki skripka bilan mahkamlang, halqani gulchambar kabi boshning tepasiga qo‘ying. Sochingizni o‘sish yo‘nalishi bo‘yicha bir nechta qismlarga bo‘lib, ularning har birini futbolkaga o‘rab chiqing. O‘ralmagan sochlarni esa shpilka yordamida mahkamlang. O‘ramni 5-9 soat mobaynida ushlang (turmakni uyqudan oldin bajargan qulay). Futbolkani olib tashlaganingizda, sochlar to‘lqinli bo‘lib qoladi!
Buvimdan qolgan usul — lattali bog‘lamlar
Oldingi fotosuratlarda jingalak sochli xonimlarning qiyofasini yoki hashamatli ko‘ylak bilan fokstrot raqsga tushayotgan ayollarni ko‘rganmisiz? Hali soch uchun uskunalar ixtiro qilinmaganida, bizning buvilarimiz o‘zlari uchun zamonaviy jingalak soch turmagi qilishga muvaffaq bo‘lishgan. Buning uchun ular oddiy lattali bog‘lamlardan foydalanganlar. Eski futbolkaning bir qismini kesib oling, ularni kichik uzunroq qilib kesib chiqing. Har bir lattaning o‘rtasiga kichikroq bir qism sochni qo‘yib uchidan boshlab sizga kerak bo‘lgan uzunlikkacha (yoki soch ildizlarigacha) o‘rang. Qayirma tushib ketmasligi uchun matoni ikki uchidan tugunlab qo‘ying. Barcha sochlar uchun xuddi shuni takrorlang. Boshingizdagi bunday tugunlar bilan uy ishlarini bemalol bajarishingiz, yoga qilishingiz yoki uxlashingiz mumkin. Bog‘lamlarni yechib olganda oynada mukammal natijani ko‘rasiz.
Soch paypoqqa qanday o‘raladi?
Paypoqdan “bublik” yasang: xohlang uchlarini bir-biriga ulang, xohlang paypoq uchini kesib oling. Boshning tepasiga sochlarni bitta qilib yig‘ib oling va rezina bilan mahkam bog‘lang. So‘ng “bublik” qilingan paypoqqa sochni uchlaridan boshlab o‘rab chiqing. Soch o‘ralgan “bublik”ni rezinaga yetib borgunga qadar aylantiring va rezina atrofida o‘rang. Shpilka yoki boshqa rezina bilan mahkamlab qo‘ying.
Barmoq va qisqichlar yordam beradi
Hammasi juda oddiy: sochni barmog‘ingizga o‘rang, tushib ketmasligi uchun ehtiyotkorlik bilan barmoqdan chiqazib olgan zahoti qisqich bilan mahkamlab qo‘ying. Ushbu usulni sochning barchasida takrorlan: buning uchun sizga o‘nlab soch qisqichlari yoki “nevidimka” kerak bo‘ladi. Siz bunday soch turmagida uxlashingiz uchun ro‘mol yoki o‘rab oling. Soch quriganida o‘ynoqi jingalaklar hosil bo‘ladi.
Ro‘molda qilinadigan jingalak
Sochni uchta qismga bo‘lib oling: boshning yon tomonlarida va orqasida. Bosh terisi yaqinidagi har bir tola soch pastga qarab turishi uchun sharf yoki ro‘mol bog‘lang. Soch o‘ralgan ro‘molni bir uchi bilan bir yo‘nalishda, ikkinchi qismini sharfning boshqa uchi bilan teskari tomonga burang. Sharfning ikkita uchini ham bir-biriga o‘rang va rezina bilan mahkamlab qo‘ying.
Qalamda qilingan jingalaklar
Sochlarni bir necha qismlarga ajrating. Qancha qismlar kichkina bo‘lsa, shuncha kichik jingalak hosil bo‘ladi. Aynan spiral jingalaklar hosil bo‘lishi uchun ularni bir-birining ustiga emas, balki ketma-ket joylashtirishga harakat qiling. Qo‘lingizga qalam oling va uning atrofiga soch o‘rashni boshlang, qalamdan tolalar chiqib ketmasligi uchun yo‘lning o‘rtasida qalamni 180 daraja aylantiring va sochni o‘rashda davom eting. Bosh terisidan taxminan 2-2,5 sm masofada o‘rashni to‘xtating. Sochni tasma bilan mahkamlang va 3-7 soatga qoldiring.
Izoh (0)