Чиройли сочлар — аёллар учун осон иш эмас. Баъзилар сочлари ёғли кўринмаслиги учун деярли ҳар куни сочларини ювади, айримлар эса, аксинча, уларни доимо намлайди ва қуруқ ёки бўялган сочларга мўлжалланган ниқоблар қилади. Кимдир сочларининг кўплигидан нолиса, кимдир эса сийраклигидан безовта бўлади. Қуйида сочларингизнинг сержило ва чиройли кўринишига ёрдам берадиган 7 та лайфхакни тақдим этамиз, деб ёзади “Новий очаг” нашри.
Бутун бошни эмас фақат “чолка”ни ювинг
Тез-тез шампунлаш бош териси ва сочларнинг ҳаддан ташқари қуруқшаб қолишига, кўп ўтмай ёғ ҳосил бўлишига олиб келади. Нима қилиш керак? Агар узун сочларингиз билан бирга пешонада “чолка” бўлса, шуни ўзини ювинг ва яхшилаб қуритинг.
Ипакда ухланг
Ушбу лайфхак сочи табиий жингалаклар ва қўнғироқ сочлар учун қўл келади. Кундалик оддий пахтали ёстиқ жилдларини ипак ёки атлас билан алмаштиринг. Бундай ёстиқ жилдлар сочлар табиийлигига зиён қилмаган ҳолда силлиқлайди, жило беради.
Бошингизни пахтали сочиқ билан ўраманг
Ниҳоятда қулай бўлишига қарамай, худди шу сабабга кўра, ювинишдан кейин бошингизни пахтали сочиқ билан ўраш одатидан воз кечишинг. Бу, айниқса, сочи жингалакларга мос келади. Бундай сочиқлар ташқи ва ички намликни тортиб олади, бу эса соч учун фойдали эмас. Намликни ўзлаштирмайдиган махсус микрофибер сочиқдан фойдаланинг.
Maxсус тароқ сотиб олинг
Нам сочларни, айниқса, майда ва ўрта тишли тароқ билан тараш мумкин эмаслиги ҳақида ўқиган бўлсангиз керак. Бу вақтда соч толалари жуда нозик бўлади. Ювгандан кейин дарҳол буни қилиш керак бўлса, катта тишли тароқ сотиб олинг ёки сочларни бармоқларингиз билан таранг. Шунингдек, турмалинли (бир қатор тишли) тароқ сотиб олишингиз мумкин, у сочни шикастламайди ва электрлаштирмайди.
Сочни тўғри қуритинг
Сочни қуритишга шошилманг. Кўпинча, аёллар тезроқ қуритиш учун феннинг энг иссиқ режимини ёқадилар. Бу салбий одат. Сочни секинроқ бўлса ҳам ўрта даражада қуритинг. Соч қуритгични бошга жуда яқин тутманг, яқин масофада у сочни қуритиб юборади, энг яхши масофа 30-40 сантиметр.
Сочингиз тўлқинсимон ёки жингалак бўлса ва илдизлари учун ҳажм керак бўлса, бу илдизларни фен билан қуритиш мумкин. Эслаб қолинг: фақат илдизларни.
Соч қуритгичининг ҳаво оқими юқоридан пастга — соч илдизидан унинг учига йўналтирилиши керак, аксинча эмас. Агар сиз сочларини фенни пастдан юқорига туцангиз, хато ҳаракат қилган бўласиз, шундан сўнг сочлар бир-бирига ёпиша бошлайди.
Тиш чўткаси
Ўжар соч зулфлари турли томондан чиқиб, соч турмагини бузиб кўрсатаётган бўлса, тиш чўткаси ёрдамга келади. Чўткага шунчаки сочни қотириш учун мўлжалланган воситадан сепинг ва у билан тартибсиз соч зулфларини текисланг.
Қайтадан ўсган илдизларни яшириш
Сочни кўп бўяш ярамайди. Аммо қайтадан ўсган илдизлар хунук кўринади. Хўш, нима қилиш керак? Бу ҳолатдан осон чиқиш йўли — зигзаг ажратишдир. Ажратиш янгидек кўринишини сақлаб қолиш учун қуруқ шампундан фойдаланинг.
Мавзуга доир:
Изоҳ (0)