Nozik ta’mni xush ko‘ruvchilar uchun 15 daqiqada tayyor bo‘ladigan mazali olmali shtrudel retsepti

Oddiy retsept asosida tez tayyor bo‘ladigan past kaloriyali shtrudel o‘z vazni va qomatini nazorat qilib, kuzatadiganlarga va tezkor retseptlarni yaxshi ko‘radigan uy bekalariga juda yoqadi.

Kerakli masalliqlar: 

• lavash noni — 1 dona
• olma — 5 dona
• sariyog‘ — 15 gramm
• limon sharbati — 2 qoshiq
• maydalangan dolchin — 1 choy qoshiq
• mayiz — 40 gramm
• muskat yong‘og‘i — ta’bga ko‘ra
• yong‘oq — ta’bga ko‘ra 

Agar shtrudelga qaymoqli pishloq qo‘shsangiz, shirinlik yuqori kaloriyali va shu bilan birga yanada mazali bo‘ladi.

Olma bo‘laklarini sariyog‘da qovurib oling, unga dolchin, limon sharbati, mayiz va muskat yong‘og‘ini  qo‘shing. Massa yumshoq bo‘lishi kerak.

Massaga qo‘shimcha ravishda mayiz va quritilgan klyukva qo‘shishingiz mumkin.

Lavash noniga massani bir xil miqdorda taqsimlab soling. Xamirning oxirini bo‘sh qoldiring. Yon tomonlari bilan o‘rab, rulonga aylantiring. Shtrudelni listga qo‘ying. Bitta tuxumni bir osh qoshiq smetana bilan aralashtiring va rulonning ustiga aralashmani surting. Uni pechda 15 daqiqa davomida 200 daraja haroratda pishirib oling. Tayyor bo‘lgan shirinlikning ustiga shakar kukuni va maydalangan dolchin sepishingiz mumkin.

Yoqimli ishtaha!