Samarqandda bankomatdan 720 mln so‘m o‘g‘irlagan guruh qo‘lga olindi

Samarqand viloyati Kattaqo‘rg‘on tumanida bir guruh yigitlar 25-yanvar kuni bankomatdan 720 million so‘m pulni olib qochdi. Bu haqda viloyat IIB axborot xizmati xabar berdi.

Qayd etilishicha, tezkor surishtiruv ishlari davomida Kattaqo‘rg‘on tuman “Tavaron” mahallasidagi tashlandiq joydan o‘g‘irlangan bankomat apparati bo‘laklarga bo‘lingan holda topilgan.

Ushbu jinoyatni sodir etgan shaxslarni aniqlash va ularni qidirib topish bo‘yicha olib borilgan surishtiruvlar davomida mazkur jinoyatda gumonlangan to‘rt nafar yigit qo‘lga olingan.

Hozirda ularga nisbatan qamoqqa olish tarzidagi ehtiyot chorasi qo‘llanilgan. Holat yuzasidan jinoyat ishi qo‘zg‘atilib, tergov harakatlari olib borilmoqda.

Mavzuga doir:

• Toshkentda bankomatni buzmoqchi bo‘lgan shaxs qo‘lga tushdi
• Andijonda bankomatni buzib, undagi pullarni o‘g‘irlashga uringan shaxs qo‘lga olindi